Geschiedenis

1955: oprichting van ós vereiniging

Oppe 11e vanne 11e in 1955 waerdje ós vereiniging opgericht ónger de naam Carnavals Vereniging de Parkieten. Es gae nao ós monument kiektj, zeetj gae det veugelke ouch örges verwirktj. Gauw genóg begós ’t gesjteggel en gevreigel, en waerdje de naam verangerdj in “de Vreigeliers”. Nao 55 jaor heite we nog sjteeds “de Vreigeliers”. 39 Prinse en 49 Jeugdprinse höbbe in die periode geregeerdj of zeen nog aan ’t regere. Woeróm gein 55 Prinse en gein 55 Jeugdprinse? Ós vereiniging haet 2 kieër sjtil gelaege (van 1961 t/m 1971 en van 1977 t/m 1982). Mér de optoch trok aevegood eder jaor door Haele, behalve in ein jaor woedet de sjnieë zoe hoeëg loog, det d’r gein doorkómme aan waas. De Jeugdvreigeliers zeen in 1963 opgerichtj en zeen in 2000 opgenaome ónger de vlag van de “groeëte” Vreigeliers. En wie men zaet, waem de jeugd haet, haet de toekoms.

1978: Kieke nao 't voetballe vanne Betje Boys op vastelaovesdinsdig

1972: Reseptie Prins Wiel de 1e

1965: Optocht

1958: Raod van Elf en de Boerekapel

1955: Piet I

De ieërste Raod van Elf mèt in häör geledere Piet de 1e oftewaal Piet Spee, zeetj ge aafgebeeldj op biegeveugdje foto. Doezendje en doezendje miense höbbe vanaaf die vieftiger jaore genaote van de Vreigelvastelaovendj.

1898: Vastelaovendj in Haele

In 1898 waerdje d'r al gewag gemaaktj van de vastelaovendj in Haele. Dit eindigdje waal op ein trieste meneer, mér toch wole wae uch dit berich neet ónthaoje.